enath145
المساهمات : 52
تاريخ التسجيل : 25/03/2008
العمر : 30
 |  موضوع: (( شاعر فقارى ))  الثلاثاء مارس 25, 2008 3:55 pm | |
| هاي قصيدة للشاعر طارق المحياس * إحساس قلب *
والقصيدة بعنوان : شاعر فقارى
أنا ماني بشاعر حب ولاني شاعر العشاق
أنا وبكل فخر شاعر فقارى الناس وأضعفهم
..
أنا شايل على ايديني بقايا قلبي الخفاق
وأشعر بالفخر والعز اذا اني جيت أوصفهم
..
أنا يشرفني لو حبري يخط بصفحة الأوراق
ويرسم للحزن فرحة ويعبر عن مشاعرهم
..
أحس بيني وبين الناس عهد ووعود أو ميثاق
وأخر شي أفكر فيه أكسبهم أو أخسرهم
..
ولكن دام هالدنيا دنية ووقتها سراق
يشرفني ويسعدني أكون اليوم شاعرهم
..
أنا شاعر لذاك اللي دموعه تملي الأحداق
اللي همه في هالدنيا عياله كيف يأكلهم
..
اللي يصبح وهو مهموم من أقدامه إلى الأعناق
ولا يدري شيسوي وكيف عشان عياله يسعدهم
..
يبيهم مثل باقي الناس وظرفه للأسف بس عاق
تكاليف الدراسة ماقدر في يوم يدفعهم
..
أنا شاعر لذيك اللي تقدم للشغل أوراق
تبي بس تشتغل أي شي ولا في حد يساعدهم
..
ولا تلقى شغل مسكينة غير تبيع خبز رقاق
ولا تلقى أبد أي شخص ياخذ خبزها منهم
..
وتضطر الفقيرة ترضى بالواقع وهي تنساق
مردها تكون خدامة وعند الناس تخدمهم
..
أنا شاعر لذاك اللي انجبر قلبه على الفراق
مع انه مول ماوده هله وناسه يفارقهم
..
ولكنها ظروف الوقت يفارقهم ولو ما طاق
يسافر يشتغل يتعب عشان اهله يساعدهم
..
أنا شاعر لذيك الي بكت من حرة الأشواق
سرق منها الزمن فرحة ويتمها وشردهم
...
وهي غير الله ماعندها ولا أصحاب واللا رفاق
يتامى ويذرفون دموع من اللي اليوم يمسحهم
..
أنا شاعر لذاك اللي سرق لكنه موب سراق
ولكن حاجة الدنيا على السرقة تعودهم
..
سرق محتاج لا أكثر بعد ما مات وخلقه ضاق
ولو مسكوه وصارحهم من اللي بس يصدقهم
..
أناشاعر لذيك اللي دمعها عالوجن دفاق
سكرها الزوج وطلقها وضاع اليوم وضيعهم
أهلها زوجوها اياه محتاجين للانفاق
لأنه تاجر ومعروف ضنوا هو بيقدرهم
..
ولكنه طلع سكير وماوده يكون فواق
تمادى وحيل لعوزهم و تعبهم وضيعهم
..
أناشاعر لذاك اللي أبد ماشاف فرحة وذاق
كبر وتبروا عياله وغرتهم مشاغلهم
..
خذتهم عنه الدنيا وكنهم عايشين سباق
وصار أبسط طموحه بس ثواني لو يعانقهم
..
أنا شاعر لكل مسجون أو منبوذ أو سواق
أنا شاعر لكل محتاج أو مديون وبوصفهم
..
أنا شاعر لكل مهموم ويشهد حبري والأوراق
وأفرح حيل من قلبي أذا بأشعاري أخدمهم
..
أنا شعري لهم كلهم بدون أسعار أو أسواق
واذا اني قلت لهم كلهم أكيد أقصد أنا كلهم
..
أحس بيني وبين الناس عهد ووعود أو ميثاق
وعد مني الى من قلت بأشعاري أشرفهم
..
أنا شايل على أيديني بقايا قلبي الخفاق
وشعر بالفخر والعز اذا اني جيت أوصفهم
..
أرد وأقول أناماني بشاعر حب أو عشاق
أنا وبكل فخر شاعر فقارى الناس وأضعفهم
لسماع القصيدة بصوت الشاعرhttp://www.6rbtop.com/listen.php?son...1&type=au&q=hi | |
|
@@دموع حائره@@
المساهمات : 52
تاريخ التسجيل : 23/03/2008
| | موضوع: رد: (( شاعر فقارى )) الجمعة مارس 28, 2008 5:33 pm | |
| تسللمين ياا أم القصاايد  @@دموعـ حائرهـ@@ | |
|
enath145
المساهمات : 52
تاريخ التسجيل : 25/03/2008
العمر : 30
| | موضوع: رد: (( شاعر فقارى )) السبت أبريل 05, 2008 5:36 pm | |
| | |
|
M!Ss banana
المساهمات : 54
تاريخ التسجيل : 17/03/2008
العمر : 29
| | موضوع: رد: (( شاعر فقارى )) الإثنين مايو 05, 2008 6:54 pm | |
| | |
|
enath145
المساهمات : 52
تاريخ التسجيل : 25/03/2008
العمر : 30
| | موضوع: رد: (( شاعر فقارى )) الجمعة يونيو 27, 2008 3:52 pm | |
| | |
|
